哥

好煩，所以呢篇要口語化。
噚晚好熱，又無開冷氣，阿哥你養嗰隻狗，熱到瞓唔到，深夜係到嘈，嘈咗幾次，你竟然覺得隻狗嘈住你瞓，問佢三更半夜嘈係咪癲咗。我已經話，佢口乾，水樽無水，要比水佢飲。唔知你係聽唔到定係聽咗唔理，你竟然繼續瞓。隻狗啲呼吸聲大到成間房聽到，好明顯佢覺得熱，而你可以唔知唔理。
情況到朝早八點幾，隻狗仍然間唔中嘈，我頂唔住，比水佢飲。飲完佢都有嘈，因為佢啲情緒好差。
你起身時，竟然可以黑口黑面，覺得瞓得唔好。好明顯，你無唸過，隻狗你自己養番黎，你無好好照顧，受影響係好正常。但係我，一開始叫你唔好養嘅，都無端端受影響。
你日日起身，第一時間唔係比水比嘢隻狗食，而係去打機睇電視。
當時，我覺得你好討厭，起初以為你覺得作為狗主，你嘅責任只不過係餵飽佢，而唔使同佢玩照顧佢，當家姐話隻狗咁樣會有抑鬱驚慌症之類，你唔信狗會有情緒病，可能你以為佢係一件機器，上電就得。但噚晚你可以連水都唔比，我唔知你當隻狗係咩。
以前你養狗，通通都由阿媽家姐或者我善後，呢次我同阿媽唔想再縱容你，所以唔會再幫你。
叫你照顧好啲，你發脾氣，話我扮嘢，話我好自私唔忍受你隻狗。阿媽話隻狗臭，你都係咁。你要全部人遷就你，忍受你比大家嘅惡果，自私嘅忍受唔到嘅，竟然唔係叫人忍受嗰個。
你想將我推到頂唔順嘅地步，然後幫你理，我唔會。到我頂唔順，我唸我會將隻狗趕出街。
我對我家姐隻狗，幾OK。但你隻，我一見到就唸起你，好煩。我有時覺得隻狗好可憐無辜，但我實在‧‧‧‧‧
(2006-Apr-13)