我今天姨媽到

其實係呢段日子。不過今天down到係MSN爆粗。
今日，浸會大學宣佈收九歲男童沈詩鈞讀數學系，成為本港最年青大學生。告知老細有記者會，佢話「可以唔去，但若然你無野做咪去下」，因為這單新聞無聊及類似的神童內地好多。
但後來老細call我，叫我「執」翻記者會。火都黎埋。心唸：個頭又話唔做，個頭又話要「執」，想點呀！你覺我炒台同駁行家無問題唔等於我都係咁唸。
翻到公司，仲問我沈詩鈞係唔係中國人。頂！睇報紙啦！人家做了十幾日啦。
講翻單野，唔係話唔值得做，但我覺得點到即止，報紙呢十幾日排山們海咁做，幾時幾日d大學開左會傾收唔收沈詩鈞都講，係沈詩鈞屋企門外等佢訪問。呢d野究竟有咩意義？呢單野嘅公眾利益係資優教育同人才培訓，亦好有gimmick，但個細佬嘅過去同大學之間點爭呢個人有咩公眾利益，對我生活有咩影響。
我覺得有d比人牽住走嘅感覺。我懷疑 ─真係懷疑─ 我係唔係同呢行有d脫節。好煩。行家話我對跑daily野已無左沖勁。但我又唔覺得係咁。
等待中‧‧‧‧‧